Gedicht Twannlager

Mir si aui scho ufgregt u bereit
denn Twann isch wieder agseit

Das Lager isch sehr beliebt
u wird vo Stock u Schwärt regiert

Das er dr Wäg nach Magglinge het chön umgah
hei mir Bracher Dänu ipackt u nüme lah gah

Wädi isch wie nes Monster los uf d’Froue
da het ihm d’Cornelia d’Nase verhoue

Am Morge luegt üs d’Marlen ganz müed u überrascht a -
mir göh zersch ga trainiere u när ersch ga z Morge ha?

Mit Aendu ds traniere macht Spass
dert cha me drischlah mit Vollgas

Völlig erschöpft liege mir im Bett u wei penne
Doch d’Stimme vo näbe a möge üs das nid gönne

Wett dr Wüethrich wosch motiviere
zeigsch ihm dr Bong, de chan er Dir eis poliere

Dänu tuet di tiefe Stellige bim Tantoi kontrolliere
u Jede dänkt, chasch nid chly meh pressiere

Bim Delphinschwümme het sich Zimmer Dänel guet gschlage
Flipper hätt’s vor Nid sicher d’ Sprach verschlage

Die paari wo eher ruehig im Hintergrund si gstande
die hei derfür bim bade ta wie ne Soubande

Ob Volleyball spile, töichle oder über ds Wasser loufe
als Badmeister hätt ig bi däm Lärm müesse Geduld choufe

Doch dä isch bliibe ganz ruehig u still
Hei die öppe no Energie z’viel ?

U wöu mir’s scho hie geng so luschtig u zfriede hei
isch’s klar dass so viu mit nach Villeret wei

Das isch ds Nächste wo ni mi risig druf fröie
de chöi mir wieder trainiere u chly desume höie

Öb brätle, gleitschirmflüge, ritte oder wandere
ds trainiere chunt o ds Villeret vor allem andere

We mir zäme imene Lager si isch immer öppis los
mir Kung-Fu Lüt si eifach ganz famos

Gedichtet von Thesi

 

zurück zum Blog

 

Kontakt

EnergieOase® & Chin-Woo
Aumattweg 66
3613 Steffisburg bei Thun

 033 520 75 00
 info@energieoase.ch

 

Standorte

Erlebe chinesische Kampfkunst in:

☆ Steffisburg
☆ Bern
☆ Burgdorf
☆ Schmitten
☆ Spiez

 

Über uns

Impressum
Datenschutz
Kontaktformular
AGB

Social Media & App